Bilo bi šteta kad bi ki pomisli da se niš novoga ovi dani ni dogodilo, pa da to ipak nekome ne bi palo na pamet pomislit, ja san svi ovi dani kako me vode ni bilo, svojin malin aparatićon, notivala.
Najprije bi se tribala pofalit da san voga lita potegla lipi del posla i sa još 6-7 raspoloženih kumpanjov bila del onih ki će uć u debele knjige povijesti karnevalske udruge Markove kumpanije. Da ne tlapin puno, evo van slike, pa prosudite sami ako je moj posal vridi..... :)
Najprije ćete vidit kako se je pravila TORTA kojom se je obilježi PEDESETI rođendan našega litnjega karnevala. Govoriju da ih je i više nego 50, ali nima veze. To samo govori da nan je karneval toliko tradicionalni da moremo reč da su najprije bile amebe, pa pažani, pa maškare...... pa tek onda tamo neki Rio de Janeiro.....
Nakon učvršćivanja velebne konstrukcije i postave venge-bijela kava katridice da Marinka ima oslonac (ma isto je kolena natukla), došla je na red i poznata, tradicionalna ŽUTICA. Ne vino, kako bi neki od vas odma pomislili, nego najcjenjenija vrsta tkanine od ke svi vi ki nosite Pag u genima, imate 99% dote.
Dušan je dobi poseban nalog da opelješi Zadarske butige i najde cerenoga tila....
Sva srića da je dvor od Zanatstva veli i da je bilo propuha. Jedva smo dihali na +35 gradi uhlad.......
I doša je dan kad je turta morala izač van i poć ''na Vangu''.... Tribalo je to rivat, a kad-kad i znat fermivat a da ne pokrecamo svi oni auti sa ZG, KA, PU, SK...registracijama.... (da mi je znat di nestaneju svi oni ZD ki zimu zimiju po vangradima...... ali to je posebna tema za ovaj moj blogić, ka će kad tad doć na red)
Malo smo promet fermali, malo smo gindali, malo smo puhali.... i parkirali smo kod Goga u dvor.
Da ne bite pomislili kako je sve to jednostvno izgledalo, pogledajte malo Jadranku i Irenu.......
za svakim izgubljenim balonom smo plakali.....
Frane je jedva stiga uvatit malo povorke..... a aparat je zakaza kad je bilo najbolje, pa tako imamo SAMO JEDNU sliku trenutka kojega smo svi jedva čekali vidit - kako Marinka pušća baluni!!!! (Jadranka i Frane ovaj put su ostali nevidljivi na provme podu turte...)
Na kraju, jedan pravi grafit, koji ima duboki smisao.... :)
Nema komentara:
Objavi komentar